ఎల్ రోయి వై నను చూడగా

ఎల్ రోయి వై నను చూడగా
నీ దర్శనమే నా బలమాయెను
ఎల్ రోయి వై నీవు నను చేరగా
నీ స్వరమే నాకు ధైర్యమిచ్చెను

అనుపల్లవి: నీ ముఖ కాంతియే నా ధైర్యము
నీ ముఖ కాంతియే నా బలము (2)

1. మరణమే నన్నావరించగా
నీ వాక్యమే నాతో నిలిచెను
ఎల్ రోయి వై నను చూడగా
శత్రువే సిగ్గు నొందెను (2). ||నీ ముఖ||

2. విశ్వాసమే శోధింపబడగా
నీ కృపయే నాతో నిలిచెను
ఎల్ రోయి వై నను చూడగా
శత్రు ప్రణాళిక ఆగిపోయెను (2) ||నీ ముఖ||

3. ఒంటరినై నేను నిను చేరగా
నా పక్షమై నీవు నిలచితివే
ఎల్ రోయి వై నను చూడగా
శత్రువే పారిపోయెను (4) ||నీ ముఖ||